Sterk grasrotmånad i februar

Velledalen IL fekk 2100 grasrotkroner i februar 2013. Avgjort eit bra tal i ein månad med berre 28 dagar. Til samanlikning gav januar (med 31 dagar) 1998 kroner. No er vi inne i påskemånaden, som vanlegvis er mellom dei svakaste i året.

   

Vi miste to grasrotspelarar i februar, slik at talet ved utgangen av månaden er 80 grasrotspelarar. Dermed er vi tilbake til november 2012-nivå, då vi for fyrste gong passerte 80. Vi registrerer at ein av dei to tapte melde overgang til Velledalen Skulekorps, som no har 23. For Velledalskoret (10), VRF (50) og Fjellhug (3) er det inga endring i februar.