Premiering trimpostar – medlemskap kan lønne seg.

Elling Hole har "partiboka" i orden.

Eigentleg starta det med at Anita Kjersheim ytra seg på nettsida, og meinte det var naturleg at dei som var storbrukarar av trimgruppa sine postar, betalte kontingent i laget. Under årsmøtet vart temaet så vidt lufta, men var ikkje oppe som sak. Seinare har Asgeir Rausand (kasserar) meldt at han vil ha opp saka til diskusjon og votering.

   

Praksisen hittil har vore at personen med mest turar på kvar post har blitt premiert. Ordlyden i eit eventuelt nytt vedtak er ikkje klar, men truleg blir det slik at personen med flest turar vert premiert – om vedkomande er medlem. Ein kan tenkje seg at i framtida vert beste VIL-medlem på kvar post premiert. Samanlagtvinnaren, og premieringa av den, må sjølvsagt vurderast i same vedtak. Samanlagtvinnaren sin lagnad var vore lite omsnakka til «disse».

   

Konsekvensen av eit slikt vedtak i 2012 ville vore at nøyaktig halvparten av dei tolv bestemannspremiane ville skifta eigar.

  Trimgruppa har no 14 postar, som skal opp til premiering for 2013, med sesongslutt når trimgruppa finn det rett (kring 1.oktober).