Diverre ingen Fjellsæterrunde 24. februar

Det kunne blitt ein flott Fjellsæterrunde i dag om arrangøren hadde hatt snø nok. Vêret er særs lageleg, føret ville vore skarpt. Men slik er det. Ytre omstende kan ein lite rokke ved.

  Dagen før det som skulle vore renndagen fann vi eit knippe sykkylvingar som trena i Hevsdalen. Der er forholda fullt akseptable, vert det meldt. Vi skaut eit skot med fotoapparatet og fanga inn to skiløparar på smale ski midt i Alperittsirkuset. Det seiest at dei to lyder namna Svein Arne Nakken (han med god skjeggvekst) og Stan Mork.