Solid innsats av Svein Arne Nakken

Furusjøen Rundt er eit 45 kilometer langt distanserenn. Om lag ti minusgrader ved start og litt småtrått føre, melder Velledalen IL sin mann.

   

Rennet vart vunne av Erling Christiansen, Koll/Milslukeren, på 2.08.04, føre Knut Anders Hatlen, Stranda IL, på 2.11.49. Hatlen har nyleg lagt bak seg ein sjukdomsperiode og er neppe i det ein kallar praktslag.

   

Klassa M 45 vart vunnen av Jan Olav Breimyren på 2.12.48. I denne klassa tok Svein Arne Nakken ein sterk 5.plass med tida 2.29.12. Fridtjof Fredriksen, Sykkylven IL, vart nummer 11 på tida 2.44.09

   

I klasse M 50 vart Geir Verpeide, Stranda IL, nummer 11 på tida 2.46.52. I same klasse brukte Knut Helge Opsvik, Stranda IL, 4.01.47. Totalvinnar i dameklassa vart Kari Øyre Slind, Oppdal IL, på 2.30.16.