IDRETTSREGISTRERINGA FERDIG

Idrettsregistreringa har ein siste frist 31. januar. Då skal laga ha rapportert til Norges Idrettsforbund (NIF). Dei skal ha namn og fødselsdato på sentrale leiarar, som styreleiar, sekretær, web-ansvarleg og ansvarleg for politiattest. Vidare skal dei ha namnet på alle gruppeleiarar, idrettskuleeiar, kontonummer, heimesideadresse og mykje meir. Eksempelvis medlemstal. Dei skal ha det totale medlemstalet for 2012, og dei skal ha talet på antal aktive medlemar i kvar gruppe – og i idrettsskulen. Det er denne rapporteringa som dannar grunnlaget for summen laget får i aktivitetsmidlar for gruppa 6-19 år.

Rapporteringa til NIF er no over for Velledalen IL sin del. Så slapp av gruppeleiarar (som i løpet av siste månad har fått stadige påminningar om denne rapporteringa)!

Det høyrer med til soga at lag som ikkje rapporterer vert strokne som medlemslag – men ikkje før etter null respons på fleire purringar.