MINIIDRETTSGALLA – «ÅRETS UTFLYTTAR»

I 2011 fekk Alf Petter Bøe prisen som «Årets Innflyttar». Denne veka vart Sverre Gunnar Brunstad heidra med pris som berre dei som har flytta frå nedslagsfeltet kunne vinne. Ein pris gjeldane for året 2012.

   

Sverre Gunnar – eller Brunstadekspressen som vi òg likar kalle han – har utvikla seg til å bli ein særs habil langdistanseløpar. Han trivst best om distansen er 10 km eller lenger.

   

Vi nemner at han i 2012 hadde sjette beste maratontida i landet i klasse 45-49 år, med 2.46.54. Ei tid han gjorde i eit løp i Milano. I større samanhengar representerer han Lørenskog FIK, men Brunstadekspressen er stolt av opphavet sitt.

   

Han har gjort Konradløpet på 15.17 – i ein alder av 42 år – om nokon lurer på kvar han står der. Dette er femte beste tida totalt gjennom alle tider, men også altfor kort etter prisvinnaren sin smak.