IKKJE SÅ ENKELT, KJÆRE LOKALAVIS!

I Sykkylvsbladet var det sist nummer ein stor artikkel av Rolf Hansen om vegen vidare for sykkylvsfotballen. Flott at Sykkylvsbladet omsider tek fatt i saka.

I artikkelen kom det fram at Sykkylven IL er klar til å overta om FK Sykkylven kastar korta. Det har fått enkelte i VRF-miljøet til å reagere. Ein av dei er mangårig oppmann/lagleiar, Svein Arne Nakken.

- Eigentleg litt rart at VRF ikkje var nemnd i denne saka. Dei må vere klar over at det er VRF som har rett på plassen i 5. divisjon om FK Sykkylven gir seg. Dette fordi VRF var det beste laget i divisjonssystemet ved samanslåinga. Skal Sykkylven IL få starte i 5.divisjon må VRF fyrst seie frå seg denne plassen. Gjer dei ikkje det, må SIL starte i 6.divisjon. Desse retningslinene vart lagt for ti år sidan, og er ikkje gløymde frå VRF si side, seier Nakken, som enno ikkje har fått seg cupfinalebillett.