Fanaråken Opp går laurdag

Laurdag vert Fanaråken Opp arrangert. 8600 meter langt, med start 898 meter over havet i nærleiken av Turtagrø Hotell og målgang på toppen av Fanaråken (2068 meter over havet). Med andre ord nær 1200 høgdemeter stigning. Vi kan garantere; det bit i knehasane.

   

Løpet vert rekna som eit kvalitetsløp. Dagen etter går NM i motbakkeløp i Rosendal, og dei blir faktisk utkonkurrert på deltakarsida av Fanaråken Opp. Då VIL-Nett sjekka påmeldingane torsdag 9.august, hadde Fanaråken Opp 322 påmelde, mot 128 for NM-arrangementet.

   

Fanaråken Opp er i år jubilumsløp. Alle som kjem i mål får spesialdesigna medalje (ti år). Mellom desse er Nils Terje Skylstad, Velledalen IL, som er påmeld i 55-59 år. Hittil 15 påmelde i denne klassa.

   

Nils Terje Skylstad har sprunge Fanaråken Opp fleire gonger før. Og kjempa drabelege duellar mot A-kjendis Arne Johannessen frå Politiets Fellesforbund. Både Nils og Arne er påmelde dette året òg. Men diverre ikkje i same klasse denne gongen. Nils er yngsteårs deltakar i 55-59 år, medan Arne Johannessen framleis er i klasse 50-54. Men dei skal starte likt og springe same løypa, så duellen er der.

Vi held ein knapp på Nils denne gongen òg. Resultatet kjem på nettsida i løpet av helga.

   

2009: Arne 1.20.18 – Nils 1.22.35

2010: Nils 1.19.02 – Arne 1.22.15

2011: Berre Arne deltok

2012: