Mathilde Kjelsbøl Hole imponerte i Råskinnet

Dette er eit stort arrangement med eit par tusen deltakarar. Eit fuktig arrangement med mykje vasping og sleip gjørme. Ja, du har sikkert sett frå løpet på TV.

   -
   
 Vi hadde ikkje sprunge meir enn 300 meter før vi måtte ut i vatnet. På det djupaste heilt opp til livet. Eg hadde eit lite uhell og då var det opp til halsen. Det var berre sju plussgrader i lufta, med andre ord ganske tøft, fortel Roger Malvin Hole, som var debutant i går.

Roger kom inn til ein heiderleg 40.plass i klasse 45-49 år på tida 1.04.17, i ei løype som er ni kilometer lang.

   

Men Roger må nok intensivere treninga i framtida. Laurdag fekk han stryk av yngstedottera, og den eldste var like bak. Men rett skal vere rett. Mathilde imponerte med ein susande sterk andreplass i klasse 14-15 år med tida 1.01.32, berre 49 sekund bak vinnaren. Oda Alette vart nummer 17 i klasse 16-17 år på tida 1.05.02

  Yngstemann i familien, Oskar, deltok i ei kortare utgåve på tre kilometer som ber namnet Råtassen.

   

Vi gratulerer familien Kjelsbøl Hole med innsatsen, og etter rapportane
   vi har fått sit ingen fast i gjørma. Det er trass alt det viktigaste.