Fyrste «Konraden» er påmeldt

Som dei fleste veit er det gratis deltaking og frukost for alle over 90 år og alle som heiter Konrad til føre-eller mellomnamn. Desse har ikkje stått i kø. Einaste deltakar over 90 år er Tomas Tandstad. Han gjekk i sitt 92 år då han sette den aldersmessige deltakarrekorden.

   

Det gjekk fleire år frå starten i 2002 før arrangøren fekk den fyrste «Konraden» påmeldt. Men då det fyrst losna, kom det til overmål tre same året. I alt har vi hatt fire gratis-Konradar. Dei fire er rangert etter alder, frå yngst til eldst:

Konrad Lade – Sunnylven

Konrad Brunstad – Tingvoll (i slekt med Mons-Konrad)

Konrad Lillebø – Ålesund

Jarle Konrad Fausa – Fausadalen, Stranda

   

Jarle Konrad Fausa er hittil den einaste påmelde Konraden i 2012. Han har passert 70 år, men veit å halde seg i god form. I fjor gjorde han tida 23.38 – særdeles kvasst i hans alder. Og i Konradløpet er det som kjent helse i kvar meter.