Idrettsgalla: «Årets innflyttar»

Det gjer ikkje Alf Petter Bøe. Rett nok var han rundare og maklegare for nokre år sidan. Heilt til han bestemte seg for å ta skeia i ei anna hand. Han la seg i trening, mange kilo gjekk fløyten, og brått var han ein mann og rekne med i klasse 40-44 år. Noko konkurrentane fekk merke i 2011-sesongen. Diverre sleit Alf Petter med skadar siste del av sesongen, noko som gjorde at konkurranseaktiviteten måtte trappast ned.

 

Han vann klasse 40-44 år under Ålesund Halvmaraton på 1.18.57. Seinare vann han same klasse under Kaptein Dreiers Minneløp på Sunndalsøra, med 1.13.45 på 19,6 kilometer. Han gjorde det godt i Selbuløpet i Trøndelag, og sprang tre etappar på Rindals-Troll sitt andrelag under St. Olavs-loppet. Eit lag som vart nummer fem, i ein stafett der laget sitt fyrstelag vann eliteklassa. Og til sist nemner vi Konradløpet, der Alf Petter gjorde eit knalløp med tida 15.39 – ny personleg rekord. Løypa ligg der, alle som vil kan teste tida.

 

«Årets Innflyttar 2011» vart altså nordmøringen Alf Petter Bøe. Ein populær tittel til ein særs triveleg kar.

VIL-nett gratulerer!