Vellukka grillkveld

For 23. gong smakte kotelettane til trimgruppa framifrå godt på Brunstadsætra.

Vêret var rimeleg bra og godt hundre personar kosa seg på sætra. Arnt, Nils
   og Hans-Olof hadde god kontroll over grillinga. Bjørg, Anita og Marit tok seg av det øvrige. Utekokt kaffi og heimebakte kaker gjekk ned på høgkant. Ungane leika seg, og sjekka bingotal med stor iver. Somme vann, andre ikkje – akkurat som før.

Takk til trimgruppa for nok eit fint arrangement. Og som vanleg med lave, familievennlege prisar der økonomisk profitt ikkje er drivkrafta.