Kanonløp av Kjell Magnar

Kjell Magnar Berli i mål på Koldabakken Grand prix 29 mai

Vi gratulerer Kjell Magnar Berli. I går fekk han sitt definitive gjennombrot som langdistanseløpar.

Det skjedde under ”Varden Opp” på Sulafjellet – eit 7,8 kilometer langt fjelløp med ei stigning på knappe 800 meter.

Av totalt kring 80 deltakarar på tid, vart Kjell Magnar nummer fem. I klasse 23-39 år (den hardaste) vart vår mann nummer tre av 21 deltakarar. Totalvinnar vart stavangermannen Øystein Halvorsen, 35 sekund føre Anders Bugge frå Eidsvåg

Her er dei beste i klasse 23-39 år:

Øystein Halvorsen 46.38
   
 
 Joar Moldskred 47.27
   
 
 Kjell Magnar Berli 48.41
   

I fylgje resultatlista til arrangøren (Langevåg IL) var Kjell Magnar Berli einaste lokale løpar, og vi er stolte over innsatsen.

Dette var glimrande Kjell Magnar – om ei veke er distansen 21 kilometer med 1500 meters stigning, og staden er Geiranger!