Linga og Leichty syklar

Hittil er 655 personar påmelde til stormønstringa i Geiranger 12.juni. Dei fleste vil nå toppen av Dalsnibba med pedaltrakk, mellom dei Per Steinar Linga og Mari Leichty.

Vi har tidlegare meldt om påmelde som representerer Velledalen IL. Per Steinar har tidlegare representert Ekornes BIL, men er no i stallen til Sykkylven Sykkelklubb. Per Steinar har lang røynsle som syklist, og har fleire sterke resultat
   mellom anna frå Geiranger. Om tobarnsfaren frå Brøvoll har toppforma inne så vidt kort tid etter lamminga skal vere usagt, men PSL greier mykje berre på rutina.

Sykkylven SK er som vanleg svært godt representert på lista over påmelde. Ei av dei vi er spente på, men som ikkje syklar for SSK, er Mari Leichty. Bak namnet hennar står det TREN i påmeldingslista.