Velledalen IL beste tremannslag for andre år på rad.

I 2010 greidde Velledalen IL for fyrste gong i historia å ta tremannspremien i Fjellsæterrunden. I dag kom nummer to på rappen.

For nokre dagar sidan snakka vi med ein heller mismodig primus motor i langrennsgruppa

-
  
 Nei, i år veit eg ikkje korleis det blir med tremannslag. Kristian (Moe) har nemleg trappa ned. Eg veit ikkje om vi har lag ein gong, sa Svein Nakken då.

Men lag hadde vi. Men berre tre mann. Med andre ord, ingen kunne feile. Og det gjorde dei heller ikkje. Trioen Kenneth Fet, Svein Arne Nakken og Ole Johnny Myrsteh gjekk inn til tida 4.30.41, og det heldt med brukbar margin.

Resultat:

1.Velledalen IL
   4.30.41

2. Volda T. & IL
   4.35.35

3. Sykkylven IL
   4.49.44

4. Valldal IL
   5.00.58

Ole-Johnny Myrseth, Velledalen IL