81-åring på idrettsmerketoppen i VIL

Velledalen IL har mange uthaldande idrettsmerketakarar. Paul Hole toppar lista føre ekteparet Grethe og Odd Kåre Fet.

Statistikken finn ein å lese i årsmeldinga til trimgruppa. Paul Hole, identisk med VIL sin fyrste KM-vinnar frå 1949 (1500 meter for junior), har greidd krava til idrettsmerket 47 gonger. Like bak kjem Grethe Fet med 45, føre ektemannen Odd Kåre med 42. Samla har altså ekteparet Fet lagt bak seg 87 godkjende prøver. Ein sterk pretasjon!

  Fet tek òg fjerdeplassen på lista, ved Ragnhild Aurdal Fet. Førebels står ho på 39.

Lista over laget sine idrettsmerkeveteranar ser slik ut:

47 gonger Paul Hole

45 Grethe Fet

42 Odd Kåre Fet

39 Ragnhild Aurdal Fet

26 Arild Lade

25 Nils Terje Skylstad

21 Kari Solaas

20 Svein Helge Hjorthol

For denne gruppa menneske har det å ta idrettsmerket nærast blitt ein livsstil. Svein Hjorthol skal ha idrettskruset for 20 gonger, Nils Terje Skylstad miniatyrstatuetten for 25 gonger. Gratulerer!