Brubyggarpris til Vallavegen

Nærare bestemt til Vallavegen 129, for dei som måtte vite kven som bur der.

Det var Svein Arne Nakken i langrennsgruppa som stod for utdelinga av denne prisen. Han har vore mellom primus motorane for fleire av dei naudsynte bruprosjekta som sikrar løypenettet i Ladalen. Spesielt den delen av langrennsløypa som går rundt Nysætervatnet. Og vi snakkar då om bruer som må vere sterke nok til å tole passering av ei trakkemaskin.

I dette arbeidet har skifolket siste åra hatt ein sikker og påliteleg støttespelar i Torgeir Vikstad. Erfaren tømrar så det held, med god peiling på brubygging. Under ”Idrettsgallaen” fekk Torgeir gode ord og heider i form av T-skjorte og blomar for den positive velviljen han har synt.

Vi nemner i same slengen at Torgeir Vikstad også har teke på seg brygygging over Juvelva i samband med den planlagde sykkelvegen frå Fjellsæterskiftet til Holemarka.