Årets mest allsidige – Rolf

Rolf fekk prisen fordi han konkurrerer både til fots, med sykkel og med ski på beina.

Rolf Haxthow er innflyttar til Sykkylven og kom til Velledalen IL etter fleire år i Sykkylven IL. Men då friidretten vart skvisa ut av Sykkylven stadion, var Rolf ein av fleire som skifta beite.

Så vidt vi veit er Rolf Haxthow einaste personen i VIL som siste året har fullført Birkebeinerrittet, Birkebeinerløpet og Birkebeinerrennet. I kilometer er løpet kortast. Her er distansen 21 kilometer (halvmaraton). Det er som løpar Rolf gjer det best. I år gjekk han under merkekravet. På sykkel og ski manglar litt på merkekravet, men ein skal vere tøff for i det heile stille på den trippel kraftprøva.

Rolf har planar om å gjere det same i 2011. Han er i alle fall påmeldt. Og det er ein god start.