Folket sin idrettspris – Inger hardast ut

Stemmene har byrja sige inn til Folket sin Idrettspris. Enno skil det lite melom topp og botn.

Men Inger Anne Riksheim, supermosjonisten som sette ny trimrekord med 730 poeng, har lagt seg i tet. Men ettersom det er tidleg i avstemminga kan mykje endre seg. Og du som lesar kan stemme heilt fram til 31.desember.

Dei som er lista opp som kandidatar kan sjølvsagt også stemme, og ein kan stemme på kandidatar som ikkje står på lista. Håpet er at skikkeleg mange deltek, og at det vert kamp om tittelen. Alle som deltek med stemmegiving er med i trekningen av premiar.

Prisen vert delt ut under VIL sin ”Idrettsgalla” sundag 16. januar