Kven vert årets utøvar i 2010

Som vanleg skal Velledalen IL kåre årets utøvar. Kåringa vil vere klar til jul, men prisen vert ikkje delt ut før under Idrettsgallaen den. 16. januar

Men det kan bli to prisar. Under siste styremøte vart det kasta fram ein tanke om ein Folkets Idrettspris – utdelt på bakgrunn av avstemming mellom menigmann. I tillegg kjem prisen som ein jury skal dele ut. I juryen sit fylgjande personar:

Einar Fet

Bård Erstad

Atle Hole

Vi kjem nærare tilbake til kandidatane som er mange. Siste året har vi fått tilgang i motbakkeløparane Nancy Eggen, Eivind Fet og Vidar Fure. Andre kandidatar kan vere Hilde Riksheim Tandstad med to KM-titlar og personleg rekord på alle distansar i 2010, vi har Jan Ringseth med sølvmedalje frå veteran VM i Slovenia, vi har Kenneth Fet som hadde ein sterk skisesong som mellom anna gjorde at VIL vann premien for beste tremannslag i Fjellsæterrunden. Med i vurderinga kjem òg løparar som Svein Arne Nakken, Kristian Moe, Nils Terje Skylstad, Olaf Øien. Og vi må ikkje gløyme Inger Riksheim med 567 trimboknoteringar. Ja, vi er ikkje redde for å seie det. Kampen om å bli Årets Utøvar har aldri vore tøffare enn i år.