Trimdronninga 2010 heiter Inger Anne Riksheim

Vi har før meldt at ho vart trimpostvinnar på Brune i Straumgjerde. Ikkje overraskande vann ho også samanlagt.

Til Brune hadde ho 555 turar – eit skremande tal i seg sjølv. Heilt til å bli klam av, for oss passive. I tillegg spedde ho på med tre turar til Koppen og ni i Riksheimdalen. Dette utgjer totalen av det trimgruppa har funne på rullebladet hennar i den avslutta trimsesongen. Men som alle skjønar, det var meir enn nok!

Trimgruppa har summert poengsummen hennar til 3978 poeng – 730 poeng meir enn Geir Helge Grebstad sine 3248 frå i fjor,
   som vi då utala som nærast uslåeleg. Ja, ja, så feil kan ein ta i all si kunnskapsløyse.

Vi gratulerer Inger, og avsluttar med fullstendig liste over dei elleve personane som kom over tusen poeng.

Inger Anne Riksheim 3978 poeng
   
 
 Solveig Olsen
    3192
   
 
 Astrup Kristoffersen 2634
   
 
 Vigdis Fure 2632
   
 
 Kjell Olsen 2156
   
 
 Kjell Magnar Berli 2056
   
 
 Arnhild Linga 1611
   
 
 Ivar Arne Flo 1526
   
 
 Torhold Skogvold 1100
   
 
 . Nils Terje Skylstad 1042
   
 
 Greth Fet
    1011.