Jan Helge og Per-Gunnar i Mesternes Mester

Postet av Velledalen Idrettslag den 12. Sep 2010

Storarrangement på Stranda i helga der 22 seksmannslag kjempa i Mesternes Mester. Mellom dei 132 som deltok var Jan Helge Myhre og Per-Gunnar Holmberg.

Jan Helge Myhre, bror til Asle på
Brøvoll, bur på Stranda. Han deltok på laget”Hjevn ?”. Per-Gunnar deltok på laget
” Synnøve`s styre og stell”. Alle laga var gjennom tolv øvingar. Vi nemner: Tom Nordlie-test, luftgeværskyting, golf, basketballkasting, kast med halvstor ball, presisjonsskyting med fotball, boccia, hinderløype, bering av Nofo-kanner, 4x400 meter stafett, Newton og Quiz.

Vinnarar vart laget som heitte ”Det beste laget”, også dette med ein sykkylving på laget. Vinnarlaget i Mesternes Mester 2010 hadde fylgjande representantar: Kenneth Korsbrekke, Frode Rusten, Roger Horremsbakk, Thomas Hove, Hans Sveipe Arnulf og Leif Erik Antonsen.

Rapportane frå Stranda seier at begge karane med velledalsblod i årane gjorde ein fin figur