7055 kroner til VIL i andre periode

Då har Norsk Tipping sett sluttstrek for andre periode vedkomande ”grasrotkroner” i 2010. Perioden som strekkjer seg frå 1.mai til 31.august gav 7055 i kassa til kasserer Asgeir Rausand.

Denne ordninga har vore positiv for VIL, spesielt fordi vi ikkje hadde speleautomatar og ikkje tidlegare hadde tilgang på lette kroner, slik andre lag i nedslagsfeltet i ei årrekkje hadde.

Nedanfor kan de fylgje utviklinga når det gjeld grasrotkroner som har deisa ned i VIL-kassa:

1.januar – 31.mai 2009: 3190 kroner – 36 spelarar

1.juni – 31.august 2009: 3238 kroner – 45 spelarar

1.september – 31.desember 2009: 9308 kroner – 55 spelarar

1.januar – 30.april 2010: 8920 kroner – 64 spelarar

1. mai – 31.august 2010: 7055 kroner – 67 spelarar