Hei, Oda Alette her!

Her kjem ei helsing til slekt og vener frå Oda Alette Hole som i sommar spela på Gjelleråsen IF (GIF) sitt lag som vann Kattegat-cup.

Litt slektsbygging fyrst. Oda Alette kjem under det vi kallar ”halve velledalingar”. Ho er dotter til Jorid K.og Roger Malvin Hole. Det vil seie at Ingrid og Elling Hole er besteforeldre til jenta, som elles har slektningar så det held både i Velledalen og andre deler av Sykkylven.

GIF sine resultat i Kattegat-cup var slik.

Innleiande kampar:

GIF-Frøyland 9-0

GIF-Grenå 3-1

GIF-Flisby 8-0

Semifinale: GIF-Nesodden
   8-0

Finale: GIF-Grenå 1-0

Oda Alette har sin plass som sentral midtbanespelar og noterte seg for tre mål i turneringa. Ho er elles ein allsidig idrettsutøvar som både spring godt og er dyktig på ski. Ho har fleire gonger delteke
   under ”Det Store Folkerennet” som VIL arrangerer i påska. Og når Konradløp nummer ti vert arrangert til våren, ja, då skal ein ikkje sjå vekk frå at Oda er mellom deltakarane i jubileumsløpet.