Dagens jubilant – Torleiv Hole

Torleiv Hole fyller 80 år i dag, måndag 19. juli

Torleiv Hole er ein av nokså få seriøse friidrettsutøvarar som har representert Velledalen IL. Han deltok flittig i terrengløp og baneløp på slutten av 1940-talet og tidleg i 50-åra. Han har sterke plasseringar både frå terrengløp og på mellomdistansar på bane frå denne perioden. I same periode sat han òg i VIL sitt friidrettsstyre.

Ein del år seinare markerte han seg som ein dyktig skismørjar. Det var såleis Torleiv som var smørjar til dagens VIL-leiar ved fleire av hans beste renn på slutten av 1960-talet og byrjinga av 70-talet.

Torleiv er bortreist på dagen, men på vegne av idrettsvener i Velledalen sender vi ein varm gratulasjon til jubilanten.