Sterk motbakkesiger til Nils

Nils Terje Skylstad vann klasse 50-59 år i det tøffe motbakkeløpet Nesaksla Rett Opp i helga.

Dette løpet vert arrangert i Rauma kommune med Åndalsnes som startstad. Løpet er ikkje meir enn kring to kilometer langt, men er eit av dei brattaste. Det stig nemleg 688 høgdemeter. Mest like mykje som Konrad Extrem (740) stig på dobbel så lang løypelengd.

Løpet denne helga samla totalt nær 150 deltakarar, nokså likt delt på mosjon- og konkurranseklasse. John Sompol frå Kenya var suverent raskast. Med tida 21.27 var han over to minutt føre skiskyttaren Lars Berger i mål.

Her er resultata frå klassa til Nils:

Nils Terje Skylstad, Velledalen IL,
    31.25
   
 
 Per G. Kvendseth, Villa Organic,
    33.11
   
 
 Ottar Sætre, Lauparen IL
   
    35.54
   
 
 Gunnar Bergsvik, Skåla IL,
    37.21
   
 
 Helge Nordskar, noteam,
    40.57