Tunge pøbelstrekar på Slettegjerde

Banemeister på VRF sitt anlegg på Slettegjerde i Straumgjerde, Einar Fet, fekk litt av ei overrasking då han kom for å slå grasbana i dag tidleg.

-Ja, det vart litt av ein nedtur. Nokon hadde vore ut på det blaute banedekket med bil. Og dei hadde gjort grundig arbeid, spunne rundt, og sett kraftige spor inne på spelebana, seier Einar Fet, som har hatt ansvaret for Slettegjerde grasbane i 20 år.

Bilen hadde teke seg inn på grasmatta ved å køyre ned ei kort, bratt skråning. For øvrig einaste staden det er muleg å ta seg inn på bana. Spora viste at den hadde hadde hatt visse problem med å kome seg opp att. Kai Skylstad i VRF-styret seier at saka vil bli meldt meldt til ”øvrigheita”.

Etter alle solemerke har ugjerninga funne stad natt til onsdag. Svært upassande ettersom klubben arrangerer fotballskule både denne veka og neste