Hilde vann, ”persa”og slo fjorårets krinseinar på 1500 meter

Frå Ulsteinvik vert det meldt om kanonstart på baneseongen for Hilde Riksheim Tandstad. Ho vann 1500 med tida 5.07 – ny personleg rekord med seks sekund.

Og det var ingen ”kven som helst” ho slo heller. I feltet var nemleg Vilde Ottestad frå Molde-Olymp, som hadde bestetida på distansen av alle jente/kvinner i Møre og Romsdal i 2009 med tida 4.58.51.

-
  
 Eg la meg bak og let Vilde styre farta dei to fyrste rundane. Forholda var nemleg ikkje spesielt gode med vind, regn og nokså lav temperatur. Etter to rundar gjekk eg i tet, og pers på seks sekund er eg sjølvsagt nøgd med. Målet for sesongen må vere å senke persen ned mot 5 minutt blank, fortel Hilde på veg heim frå Ulsteinvik.

-
  
 Neste helg vert det nye løp i Molde, då med 400 og 800 meter som distansar, seier Hilde som har Ungdomsmeisterskapet (NM) i Molde 3.-5. september som hovudmål for sesongen