Hilde har forma inne – sterk test på Aksla

Natt til 1.mai var ho raskaste kvinne under Konradløpet. 60 timar seinare sesongdebuterte Hilde Riksheim Tandstad som baneløpar med bravur på nedslitne, ærverdige Aksla stadion

I to litt uvanlege øvingar, nemleg 80 meter og 600 meter. På 80 meter vart ho nummer to (11.22) bak Lilja Olafsson som fekk tida 11.07

På 600 meter vart Hilde best av samtlege jenter på distansen. Tida 1.48 var ny personleg bestenotering, og kring ti sekund føre nest beste jente.

  - Det vart stive bein mot slutten av løpet, men eg er godt nøgd og ser fram til at banesesongen startar for fullt, seier Hilde til idrettslaget si nettside.