Flott innsats i Fjellsæterrunden – VIL fekk beste tremannslag

Medrekna bedriftsklassa deltok 60 løparar i konkurranseklassa i årets Fjellsæterrunde. Barnas Fjellsæterrunde samla 128 deltakarar som er ny rekord. Forholda under rennet var så nær optimale det er råd å kome. – terningkast 6, sa rennvinnar Knut Anders Hatlen frå Stranda IL

Kenneth Fet fekk best tida av VIL sine løparar. Han vann klasse yngre junior med tida 1.23.50. Kristian Moe vann klasse 31-35 år med tida 1.26.57. Svein Arne Nakken tok femteplass i den største klassa, 41-45 år, med tida 1.29.01. Det gav ei samanlagttid på 4.19.48, ei tid ingen av dei andre laga kunne matche.

Vi nemner òg at Terje Aurdal gjekk sterkt og var i særklasse best i bedriftsklassa med 50.25. her deltok også Alf Petter Bøe, som representerte Ekornes BIL.