Skimaratonjubileum for Svein Arne Nakken

arkivfoto

I helga stiller Svein Arne Nakken (44) til start i Holmenkollen Skimaraton – tidlegare Holmenkollmarsjen - for 15.gong.

Han har med seg dei to SIL-løparane Beth Wilhelmsen (5.gong) og Fridtjof Fredriksen (7.gong) i det 42 kilometer lange rennet, som har start i Hakadal. Vidare går rennet gjennom Nordmarka med målgang på Frognersætra. Vanlegvis er Holmenkollen rennet sitt endepunkt, men der er for tida anleggsutbygging.

Rennet er i år ”full-booka”, som vil seie 4500 deltakarar. Det er vanlege turrennklasser (som betyr at Svein startar i klasse 40-44 år), og rennet er seedingsrenn for seinare kraftprøver som Vasaloppet og Birebeinerrennet.

Vi ynskjer dei tre sykkylvingane lukke til, og særleg at vår mann, Svein; skal få eit minnerikt jubileumsrenn. Vi kjem tilbake med resultata.