Rikhaldig aktivitetsplan

Postet av Velledalen Idrettslag den 5. Feb 2010

På styremøte i VIL denne veka vart ny aktivitetsplan for året 2010 sett opp. Nokre arrangement som "Tour de Sykkylven" og Konrad Extrem vart ikkje tidfesta.

Det har sine naturlege årsaker. Konrad Extrem er usikkert om vert arrangert, men det vart sett ned ei nemnd som skal greie ut ulike løypealternativ. Med i denne gruppa er Geir Helge Grebstad, Nils Terje Skylstad og Håkon Fedt.

Når det gjeld "Tour de Sykkylven", så var prøvearrangementet i 2009 i fellesskap med Sykkylven sykkelklubb. Om det blir stafett dette året blir ei sak mellom dei to arrangørlaga frå sist. Like eins tidspunktet for arrangementet. Terje Aurdal og Svein Nakken er VIL sine medlemar som skal møte
sykkelklubben sine representantar til drøftingar i nær framtid

Tidfesta arrangement før fellesferien 2010:

28. februar: Fjellsæterrunden

7.mars: Den Store Sildedagen

2. april: Det Store Folkerennet

30. april: Minikonrad

1.mai: Konradløpet

26.mai: Koldabakken Grand Prix

10.juli: Grillkveld på Brunstadsætra

Og berre for å ha nemnt det; Fetvatnet Rundt vert i år 15. august.