Viktig idrettshelg

UM-samling i Storhallen og Vestlandsmeisterskap i langrenn i Stryn er menyen for våre to idretts-ess denne helga.

Med "ess" meiner vi Hilde Riksheim Tandstad og Kenneth Pålson Fet. Hilde deltek denne helga i UM-samling i Sykkylven Storhall der mellom anna Veslemøy Hausken er mellom intruktørane. Samlinga går over to dagar, og er eit ledd i satsinga fram mot Ungdoms-NM i Molde seinare i år.

Kenneth Fet går i dag sprint i fristil under Vestlandsmeisterskpen i langrenn som vert arrangert av Markane IL i Stryn kommune. Dette rennet tek han som oppkøyring til det klassiske distanserennet som vert arrangert sundag. Rennet samlar alle dei beste frå Møre og Romsdal, Sogn og Fjordane pluss nokre "slengjarar" frå Hordaland.

Nettsida kjem tilbake med resultat frå rennet i Stryn i løpet av helga.