Registrer spelekortet ditt på Velledalen IL

Året er snart omme. Det same er debutåret for ordninga med grasrotandel. Ei ordning som gjer at fem prosent av det ein spelar tippar for, går direkte til det laget spelaren tilgodeser.

Pr. 8.desember har Velledalen IL 55 spelarar som har registrert spelekortet sitt på laget. Totalt har VIL fått inn 12512 kroner på ordninga i 2009. Og det kan bli ganske mange fleire kroner

Ordninga er slik at den har tilbakeverkande kraft. Går ein person på Joker laurdag 12 desember – ein som tidlegare ikkje har registrert kortet sitt på noko lag – og registrerer kortet sitt på Velledalen IL, vil VIL få fem prosent av alt mannen har tippa for i heile 2009. Difor er det viktig å registrere seg før årsskiftet. Tippar du med uregistrert kort, vert pengane (5 prosent) ståande på Norsk Tipping sin konto – til glede for Lars Sponheim

VIL har ei eksklsiv gåve til alle som har spelekort registrert på laget. Gjer vel og meld frå til Atle Hole, og du vil få ei overrasking til jul.