Mangla fire centimeter på bronse

Postet av Velledalen Idrettslag den 13. Sep 2009

Hilde Riksheim Tandstad deltok i friidretts-KM for senior i Ulsteinvik laurdag. Ho vart nummer fire i lengde med eit bestehopp på 4,59 meter.

Dermed mangla ho fire centimeter på bronsemedaljen. Dei som hugsar tilbake til laurdag så var vêret ufyseleg. Slik var det òg under KM. Vanskelege forhold med vind og regn, og altfor kaldt til skikkelege gode prestasjonar. Men fjerdeplass i senior-KM for Hilde er absolutt bra. Hennar nye favorittøving, 400 meter, stod ikkje på programmet under KM.