Brennheit grill i 20 år

I 1989 arrangerte Velledalen IL grillkveld på Brunstadsætra for fyrste gong. Komande laurdag er det 20 års jubileum når grillkveld nummer 21 vert arrangert av trimgruppa.

Vëret er sjølvsagt avgjerande på eit slikt utandørsarrangement. Det har vore så ymse desse 20 åra, men gjennomgåande kan ein ikkje klage. Det har vorte tradisjon at arrangementet finn stad same helga som fellesferien startar.

  Som vanleg vert bakkane opp til sætra gjort lettare med trimbingo. Grillmaten plar vere av god klasse, like eins kaffien og kakene. Om trimgruppa har planar om noko ekstra 20 år etter starten er uvisst, men musikk til maten har vore fast og populært innslag siste åra.

Idrettslaget reknar med rekord, både når det gjeld frammøte og appetitt.