HALV VELLEDALING OVER 1.90 I HØGDE

Nyleg vart det arrangert høgdegalla med eit rekordstort publikum i Vik i Sogn. Brede Ellingsen vann med 2.15. Ein ”halv” velledaling kom på andreplass med 1.90.

Henrik Johan Holmberg er son til Morten Holmberg og
   ein svært habil idrettsmann. Han svinga seg over 1.90 på heimebane på Vikøyri, og kneip med det andreplassen før fleire jamngode konkurrentar.

-
  
 Målet er å passere 2 meters grensa i løpet av sesongen, fortel visemanager og far, Morten Holmberg, til velledalen.net.

Henrik Johan er òg ein habil fotballspelar, der han spelar for Vik IL i 3. divisjon Sogn og Fjordane - med spenst og stor fart som sine største aktivum.