Fin andreplass i sunnnmørstafetten

Velledalen IL sine langrennsløparar har hatt ein fin sesong og tok andreplassen under Sunnmørsstafetten som vart arrangert i Volda sist helg.

Med på laget var Ole Johnny Myrseth, Kenneth Fet og Stian Mork. Ole Johnny gjekk fyrste etappe som gjekk i klassisk stil. Junioren Kenneth Fet gjorde ein sterk andreetappe i fristil, før Stian Mork avslutta i same stilart.

  Vår sterkaste løpar denne sesongen, Kristian Moe, stod over, medan rutinerte Svein Arne Nakken er sett ut av spel på grunn av skade. Sesongen går no mot slutten, men vi trur karane våre vil markere seg sterk både under Det Store Folkerennet langfredag og under bygdameisterskapen 2. påskedag.