Får ikkje heite ”Sunnmørsalpane ski- og snowboardklubb”

Under idrettslaget sitt ekstraordinære årsmøte i februar vart det vedteke at snowboard skulle inn som undergruppe i VIL. Men namnet ”Sunnmørsalpane ski- og snowboardklubb” kan ikkje godtakast med mindre dette er eit nytt idrettslag, skriv Møre og Romsdal idrettskrets.

”Dersom årsmøtet har vedtatt å opprette en gruppe så gir navnet ingen knytninger til Velledalen IL og følger dermed ikke vedtatt praksis for organisering av grupper.

Grupper i idrettslag kan ikke ha andre navn utover idrettslagets eget navn pluss navnet på den aktiviteten gruppen skal drive.

Konsekvens:

Dersom dette er en gruppe så SKAL navnet være: Velledalen IL – snowboard”, skriv idrettskretsen sin administrative leiar, Geir H. Moholt.

Slik står saka, og VIL må vente på vidare innspel frå snøbrettgruppa, der Bente Hole er leiar. Ho er for tida i Amerika og kjem ikkje heim før etter påske