Årboka i sal

Sigmund Nakkeberg er fast årbokkjøpar

Sykkylven Sogenemnd er ute med Årbok for Sykkylven 2008. Som vanleg er det VIL som har salet i Velledalen. Jostein Drabløs er åleine om å vere skribent frå Velledalen i denne utgåva. Han har skreve om Nils Skylstad (1884-1973), som levde eit slitsamt og omflakkande liv som driftekar og skinnseljar før han vart gardbrukar i Velledalen.

Eldar Høidal har i stykket "harmonisk samspel mellom grannar" teke føre seg soga til Straumshorn juniorkorps (50 år) og Velledalen skulekorps (45 år).

I biletkavalkaden har boka biletet frå VIL-arrangementa Fetvatnet Rundt og Det Store Folkerennet. Boka kostar kr 90,- Får du ikkje vitjing av seljar på døra, så er den å få kjøpt hjå Holmbergs gartneri, dit du likevel skal for å kjøpe juleblomar. Eller ring til Atle Hole (70 25 07 49) så får du ei bok brennkvikt.