Skåla Opp

Eit av dei argaste motbakkeløpa, Skåla Opp, med godt over 1800 meter i skilnad mellom start (Loen) og mål, vart arrangert laurdag.
VIL var representert med trioen Stian Mork, Håkon Fedt og Nils Terje Skylstad.
Resultat:
50-54 år: Nils Terje Skylstad nr.7 med tida 1.39.30 (35 fullførte i klassa)
23-34 år: Stian Mork nr.51 med tida 1.48.22
Håkon Fedt nr. 58 med tida 1.52.34 (101 fullførte i denne klassa).

Det kan vere verdt å merke seg at i klassa til Nils vart Arne Johannessen frå Politets Fellesforbund (svært ofte å sjå på fjernsyn) nummer ni med tida 1.40.51
Beste tid uansett klasse hadde Jonathan Wyatt med 1.08.42 (tre sekund bak Jon Tvedt sin løyperekord).

Nils Skylstad seier til velledalen.net at det var gode forhold under løpet laurdag. Tida hans (1.39.30) var ni sekund raskare enn i fjor. Slett ikkje dårleg av ein mann som vert 51 år i september.