Tryna i Meråker

Kenneth Fet (16) har nyleg vore i Meråker på sommartreningsleir. I alt var 200 ungdomar samla der innan greinene langrenn, fotball og handball.
- Ein flott leir med dyktige instruktørar. Sjølv hadde eg Lars Berger, Frode Estil og landslagstrenarane for senior og junior i langrenn. Diverre tryna eg på rulleski og skrubba meg skikkeleg opp på eine foten, seier Kenneth til VIL-nettsida.
Om ei veke er det skulestart. Då vert Kenneth elev på Stranda, ved langrennslina ved Stranda vidaregåande skule, noko som betyr trening på dagtid. Godt satsa.