281 åt sild

Den Store Sildedagen vert større for kvart år. Då den fjerde utgåva av etargildet vart arrangert i grendahuset torsdag 14.februar, løyste 281 personar billett. Dette var 50 fleire enn rekorden
frå 2007.
Kjøkkenpersonellet fekk ein stri tørn. Mot slutten av dagen gjekk ein tom for nokre produkt, men alt i alt ein vellukka dag med mykje ros for god mat.
Sluttresultatet for Den Store Sildedagen 2008 vart som fylgjer.
1. Pensjonistane 124 billettar
2. Øvrige vaksne 117 billettar
3. Born 30 billettar
Rett skal vere rett, fleirtalet av dei 30 som løyste barnebillett åt karbonadekake av kjøt, så her har heimane litt å arbeide med. Vi gratulerer pensjonistane med ein flott og fortent siger.