Hytteplanmila: To blad Anders – Wigdahl og Westrheim

Begge disponerte løpa sine bra, utan at det klaffa 100 prosent denne gongen.

ANDERS WIGDAHL:

Skulle vere hare for ein annan løpar. Opna forsiktig med 210.plass i klasse M 35-39 etter fyrste kilometer. Som mange andre leverte han svakaste km-tid på kilometeren mellom 2-3 km, med 3.57. Fekk opp farta og hadde sin beste kilometer-tid på 3.39 mellom 4 og 5 km. Passerte 5 km på 19.08. Imponerte på siste 5 km med 19.19 – berre 11 sekund seinare på siste del var mellom det beste av VIL-løparane denne dagen. I mål på 38.27, etter å ha sprunge seg opp frå 210.plass til 159.plass av 488 i klassa. Prestasjonen heldt til fin 32.plass i NM. Elles bør «Wiggen»vere godt nøgd med sesongen etter å ha persa både på 10 km og halvmaraton.

PS. Jens Nikolai Handle Jensen hadde vorte nummer 23 i NM i same klasse om han deltok som NM-løpar.

ANDERS WESTRHEIM:

Har gjort sterke prestasjonar denne sesongen både på bane (Bislett) og etter landeveg (Jølster). Han opna friskt med 3.16 på opningskilometeren. Kanskje fekk han ein liten reaksjon, for på kilometeren mellom to og tre km, fauk km-tida opp i 3.43. Altså noterte vår mann 27 sekund tidsskilnad mellom sterkaste og svakaste kilometer. Litt over normalen for dei som heldt om lag same tempo. 5 km vart passert på 17.34. Så skal det seiast at herr Westerheim stod distansen ganske godt. Han måtte opp 28 sekund på siste 5 km til 18.02, som var klart mindre oppgang enn snittet til VIL-løparane denne dagen. Sluttida vart såleis 35.36, med det vart han nummer 118 i NM i den sterkaste klassa, menn senior (M 23-34).

Det høyrer med til soga at Anders Wigdahl hadde tinga bord ved Sundvolden Hotell etter løpet, og begge «Andersane» deltok i ei hyggjeleg VIL-samling for løparar og støtteapparat, før vi skilde lag etter ein minnerik dag.