Seks VIL-løparar sprang sommarkarusell i Ålesund

40 utøvarar fullførte 5 km, 41 tok seg til mål på 10 km

Med andre ord god deltaking i sommarløp nummer to.

Velledalen IL sin tropp:

5km: Ole Robert Strømme, Frank Andersen og Fridtjof Fredriksen

10 km: Robert Vasset, Per Inge Bjørnestad og Trond Bonesmo

DNS: Ludvig With – påmeld 5 km.

Som vanleg god kvalitet på våre. Dei seks utøvarane kunne vende heim med fire klassesigrar og to 3.plassar.

Her kjem nokre resultat, ÅlesundSommarkarusell 2.løp, onsdag 9.juli:

5 km – 40 fullførande:

1. Lars Magnus Tangen, Team Dæhlie, 16.29

2. Kristian Nedregård, Ålesund, 16.30

3. Ole Robert Strømme, Velledalen IL, 17.23 – nr. 1 M 35-39

12. Frank Andersen, Velledalen IL, 21.19 – nr. 3 M 35-39

14. Fridtjof Fredriksen, Velledalen IL, 21.25 – nr. 1 M 55-59

10 km – 41 fullførande:

1.Marcus Megrund, Valder IL, 34.14

2.Petter Hørthe, Ålesund FIK, 35.18

3. Robert Vasset, Velledalen IL, 36.05 – nr. 1 M 23-34

15. Per Inge Bjørnestad, Velledalen IL,  40.05 – nr. 1 M 50-54

31. Trond Bonesmo, Velledalen IL, 49.19 – nr. 3 M 55-59.

Så er det på sin plass at vi hyllar dei to løparane som kunne reise heim med 3.plassar i lomma, Frank Andersen og Trond Bonesmo. Dei som berre fylgjer med sånn passeleg, er naturlegvis ikkje klar over for ei rivande utvikling desse to har hatt, i løpet av siste året. Her får du dokumentasjonen, og legg merke til datoane:

TROND BONESMO:

8.juni 2024: Ålesund maraton, 10 km: 53.17

31.mai 2025: Sørestrandmila, 10 km: 49.45

9.juli 2025: Sommarkarusell, 10 km: 49.19

Altså ein framgang som manglar to sekund på fire minutt i løpet av 13 mnd. Og ver klar over at oppladninga til dagens løp er så langt unna det optimale ein kan kome. For fire dagar sidan halvmaraton i Jølster og 14 dagar før det, Fyr til fyr i lengste løypa med ei konkurransetid på kring åtte timar!!

FRANK ANDERSEN:

27.juli 2024: Hornindalsvatnet maraton, 10 km: 50.35

5.juli 2025: Jølster maraton, 10 km: 45.20

22.mai 2024: Sommarløp Ålesund, 5 km: 24.42

9.juli 2025: Ålesund Sommarkarusell, 5 km: 21.19

Og vi skal hugse at Frank Andersen har betre tider enn 45.20 og 21.19 i 2025, men sidan det er hans to siste løp, tek vi utgangspunktet der. Frank har forresten heile 16 EQ-timing løp hittil i sesongen. Frank og Trond er ikkje karane det vert snakka høgst om, når VIL-prestasjonar skal belysast. Men ver klar over at 4-5 minutt framgang på ein 10 km i løpet av eitt år…. Ja, du tenkte heilt rett - det gjer seg ikkje av seg sjølv! To gode føredøme mellom dei som ikkje er øvst på resultatlistene, men som krabbar oppover