Ålesund Vinterkarusell: Målet er 50 startar

Etter fire løp har Velledalen IL åleine 36 startar på 14 ulike løparar.

Fire av totalt fem løp i Ålesund Vinterkarusell er avvikla. Så langt har Velledalen IL hatt med 14 ulike løparar. Desse 14 har samla gjort 36 startar. «Unggutane» Per Inge Bjørnestad og Jone Schmidt Breivik har begge vorte totalvinnarar. Per Inge på distansen 10 km, Jone på 5 km.

Slik er stoda for Velledalen IL sine løparar, Vinterkarusellen 24/25:

4 løp: Frank Andersen og Svein Arne Nakken

3 løp: Bjørn Arve Brune, Eldar Sindre Valkvæ, Jone Schmidt Breivik, Andreas Nakken, Fridtjof Fredriksen, Frode Mauren og Per Inge Bjørnestad

2 løp: Stig Marius Vestnes og Alf Petter Bøe

1 løp: Alastair Brunton, Robin Jørgensen og Sivert Nakken.

For å greie samanlagt-premien, må ein ha fullført tre løp. Det betyr at dersom Stig Marius og Alf Petter deltek 8.mars, har Velledalen IL 11 premieløparar. Farta i løpa er uvesentleg, det er tre fullførte løp som er «greia». Alt på noverande tidspunkt, har Velledalen IL ni løparar som er kvalifiserte til premie.

Siste løpet går altså 8.mars (kvinnedagen). Greier Velledalen IL 14 deltakarar der, er vi oppe i imponerande 50 startar i Ålesund Vinterkarusell 24/25.

Friidrettsleiar, Alf Petter Bøe, melder til VIL-Nett at han reknar med stor tropp, sidan det er spela inn til lagsleiaren at friidrettsgruppa ynskjer gratisdeltaking (refusjon av startkontingent), for alle VIL-løparar som har betalt medlemskontingent.