KonradNytt: Kvinne-påmeldinga aukar

2023-vinnarane både for menn og kvinner påmelde til året løp!

Her kjem ei ny utgåve av KonradNytt drygt 20 døgn før startskotet smell:

• I skrivande stund har 57 løparar meldt seg på. 36 prosent av desse er kvinner. Så langt den høgaste kvinne-prosenten som er registrert i år.
• Strandarane har krabba opp på andreplass i påmelding mellom alle kommunar (bak Sykkylven). Dei har så langt seks påmelde, fire av dei kvinner. Fjord kommune held 3.plassen hårfint føre Ålesund og Oslo.
• 2023-vinnarane av Konradløpet, Nikolai Handle Jensen (14.50) og Anette Heimli Jokstad (16.45 – kvinnerekord) er begge påmelde. Begge sterke løparar, men hovudidretten deira er OCR-hinderløp og Hyrox. Anette OCR NM-vinnar i 2023, sølv i NM 2024.
• Åtte utøvarar kan få Konradløpet sin 20 års premie om dei melder seg på i 2025. Hittil er fire (Odd Kvammen, Nils Terje Skylstad, Eldar Høidal og Gunnar Skogvold) av dei åtte påmelde.
• Hittil er åtte debutantar påmelde. Dei er kvalifiserte til Konradløpet sin Diplom.
• Bygdas største møbelkonsern, Ekornes, er årets annonse-sponsor. Annonseringa startar kring 20.april på ulike digitale plattformer, og på Nyss papir fredag 25. april.
• Har nokon premiar eller pengegåver til årets Konradløp, kontakt i så fall Alf Petter Bøe eller Henning Tandstad i friidrettsgruppa.
• I fjor gjekk hovudpremien (ein oransje kvilestol) til Bodø. Det var litt styr for å få den dit. I tilfelle det vert stol også dette året, må vinnaren sjølv syte med transport frå Sykkylven.