Nykomar ut med skade – debuten utsett

Sverre Kjerpeseth som skulle debutere for Velledalen IL på heilmaraton i Ålesund 28.desember har brote tåa

Dermed vert det ingen debut for Sverre dette kalenderåret. Og det kan vere fort gjort. Slik vi skjøna det sparka han foten inn i eit bord. Etter fleire dagar i smerte måtte saka undersøkast. Han skriv:

• Det var dessverre brudd. Så da blir det 4 uker med skoskinne og 2 uker sykmeldt fra jobben.

Som betyr at den planlagte debuten for Velledalen IL 28 desember på distansen heilmaraton må vente. Synd også for Malin Berge, som er påmeld same distanse i Ålesund og nok hadde håpa på litt «pæs» frå Sverre. Men Malin er hard i skallen og kan gjere det godt på eigahand. I det som vert hennar andre løp på distansen.

Stryk vi Sverre frå påmeldingslista finn vi desse VIL-namna måndag 22.desember:

Malin Berge – heilmaraton

Hermann Furland – halvmaraton

Stig Marius Vestnes – halv

Fritjof Fredriksen – halv

Trond Bonesmo – halv

Bjørn Arve Brune – halv

Ludvig With – 5 km

155 påmelde 22.desember klokka 10.00