Kommentar: Kor gode er VIL-veteranane.

Svaret får du ved å lese denne saka – mange vil bli overraska!

I går kosa underteikna seg på Vartdal saman med VIL-løparar og støtteapparat. KM (kretsmeisterskap for Møre og Romsdal) vart nemleg arrangert der. Under gode forhold – kanskje i varmaste laget for somme – og i ei tøff løype. Vel heimkomen – og etter å ha fordøya inntrykka frå Vartdal med sju KM-medaljar – fann eg fram resultata frå NM i halvmaraton, arrangert på Sørlandet (Birkenes) same dag.

Då fann eg fylgjande:

M 40-44:

NM-vinnar Frew Zenebe Brkineh 1.09.59

Sølvet gjekk på 1.14.58, så den Njål Torillson Tyssing hadde du kunne teke

M 45-49:

NM-gull til Georg Smedaas på 1.22.13

Tom Audun Rossland Knutsen brukte 1.22.19 under KM på Vartdal

M 50-54:

NM-gull til Helge Kolstad på 1.23.07

Medan bronsen-mannen hadde 1.26.52 – 51 sekund seinare enn Per Inge sprang på Vartdal

M 55-59:

NM-gull til Herleik Johansen på 1.27.01

Bronsemannen henta sin medalje etter 1.37.02. I same klasse på Vartdal brukte Alf Petter 1.33.40

M 60-64:

NM-gull til Robert Næss på 1.25.31

Mannen som tok bronsemedaljen brukte 1.39.11. Langt bak det ein skadefri Bjørn Arve ville brukt.

Heller ikkje våre unge ville gjort seg bort:

Menn U-23:

NM-gull til Knut Borkholm på 1.13.04. Den er sterk, men bronsemedaljevinnaren sprang på 1.28.48. Den kunne du teke Andreas

Menn Senior:

Her hadde dei tre medaljevinnarane 1.09.53 – 1.10.22 – 1.10.51. Truleg måtte våre sine meldt pass der

Men: 4. plassen gjekk på 1.13.29 – vi berre nemner det; Espen hadde ikkje mindre enn tre halvmaraton på 1.12-talet i fjor. Og Constantin og Robert sine tider frå Vartdal hadde gitt flotte NM-plasseringar i den skarpaste klassa, Menn Senior.

Konklusjon: Dette var nokre smaksprøver. Men det er eit klart prov på at det hjelper å trene. Vi har mange som trenar godt, fylgjer med på utstyrsfronten og tek sportslege steg i moden alder.

Stig Marius persa med fleire minutt på Vartdal, og Tom Audun var berre små sekund bak persen på distansen sett i ei mykje «snillare» løype (Gloppen). Det er kjekt å registrere at vi driv kvarandre framover

      Og no ventar vi på løpshelga i Ålesund. Der skal vi vise breidde. Men også toppar. Vi ser med glede fram til herr Kråkenes sin heilmaraton godt ned på 2.50-talet, og kanskje stiller Espen Utgård Sæther på halvmaraton. Dei sist påmelde VIL-løparane er Eline Langlo (10 km), Christina Holmberg (halvmaraton og Emma Holmberg (halvmaraton). Vi kjem tilbake med alle påmelde seinare.

Olagarden, kårhuset

Sundag 26.mai klokka 09.40

Atle Jomar Hole

Kårkall/nestleiar Velledalen IL