Greier Hilmar KM-tittel i maraton på Hareid

I dag vert KM maraton for Møre og Romsdal arrangert under Nordvest Maraton på Hareid.

Velledalen IL vert solid representert på Hareid, men berre Hilmar Kråkenes stiller under KM heilmaraton, etter det VIL-nettsida har grunn til å tru. Hilmar stiller i klasse M 45-49, og har tidlegare i år gjort sterke løp på distansen i Ålesund (under 2.50) og i Hornindal (litt over 2.50). Hilmar er veltrena som aldri før denne sesongen, og Velledalen IL har trua på mannen frå Deknepollen!

På halvmaraton stiller fleire. Friidrettsleiar Bøe var ikkje 100 prosent sikker på kven (kvelden før løpet), sidan påmeldingslistene ikkje var lagt ut. Truleg stiller Velledalen IL 5-6 utøvarar på distansen halvmaraton. Resultat frå Nordvest Maraton vil kome på nettsida i løpet av ettermiddag/kveld.

Lukke til!